Baka ke ditemu tauka dibacha kitai ba berita mayuh amat kes munuh diri nyadi ba menua Malaysia diatu.
Mayuh bala kitai baka jam kediatu nadai jalai deka ngiga penatai pemesi ketegal enda ulih gawa maya Atur Mindah Besekat (PKP).
Kelimpah ari nya, bisi mega tusut runding (stress) ngenang penusah ke ditapi enggau bisi mega enda nemu baka ni chara deka ngidupka diri sebilik.
Nya alai, bisi bala kedua nyau kempang ati menyati tauka munuh diri laban enda tan ati ngenang utang ti mayuh deka ditunsung.
Berindik ari nya, bisi sekeda bala orang ke ngena media rama (netizen) kelebih agi bala orang ke ngembu Facebook Pages ti tebilang udah berengkah bejalaika Kimpin Tambai Burak (Kempen Bendera Putih) kena mantu bala ke benung tasah nya.
Kimpin Tambai Burak tu mai reti begunaka orang ke tasah ti utai empa enggau perengka ke dikena ninting hari.
Enti nyema nuan begunaka utai empa maya tu. Anang diau diri aja. Anang malu. Dirika tambai burak ba rumah nuan.
 |
| Kredit: Oh Bulan |
Enti baka nuan ke bisi tepedaka tambai burak tau besaup meri bantu ngagai sida enda ngira ari segi utai empa tauka utai ke dikena sida iya ninting hari.
Mimit pan pemeri ari kitai tang besai amat reti ba sida iya.
Ngarapka Tuhan ngemataka sida ti benung tasah baka jam kediatu. Tuhan merekat semua.. 🙏