 |
| ILLUSTRASYEN PICHA: Bas benung paking ba penyangkai Bas Express. (Sarawak Bus & Truck Community picha) |
Udah bisi bas bejalai berengkah ari sehari tu, 16 May 2020.
Pengari Komiti Bas enggau Trak Sarawak madahka, pekara nya nengah Facebook pagi tu, tadi.
Ku Pengari nya, Bas Freesia udah berengkah bejalaika operasyen sehari tu iya nya, Hari Enam, 16 May 2020.
Tang taja pia, bas nya semina bisi bejalai sereta sangkai ba empat iti endur aja iya nya, berengkah bejalai ari Miri-Bintulu-Sibu-Sarikei enggau pulai mansang.
“Bas nya deka bejalai jam 9:00 pagi, 12:30 tengahari, 8:30 malam enggau 10:00 malam aja,” ku iya.
“Orang ke deka nepan (penumpang) bas nya, patut minta pemendar tauka permit ari balai polis dulu,” ku iya madah enggau nyemetak.
“Naka ke diatu, semina Bas Freesia Express aja ke udah tau bejalai tauka beoperasyen.. Tang bas kompeni ke bukai, kami apin nerima penerang,” tandu iya.