KUCHING: Orang mayuh tegepang ati pengudah meda siku indu telanjai sereta minta duit ba tamu (Medan Selera) di Kota Sentosa, urung jam 8 malam, kemari.
Nitihka penerang ke diterima Berita Iban Online (BIO), indu nya dipelabaka beumur 30 lebih enggau dipechayaka bisi penanggul ba untak.
Iya minta RM10 ari siti mija ke siti mija ba orang mayuh ke bisi makai ba palan nya.
"Tolong mih aku aya, aku minta RM10 laban deka kena aku meli baju," ku iya enggau tubuh ti nadai gari (telanjai).
Nangkan ke nya, iya mindah ari palan nya pengudah iya bulih duit ari orang mayuh.
Siku staf ba medan selera nya melabaka indu nya siku ari orang ti sakit mental ba Sepital Sentosa ke semak enggau tamu nya.
"Sebedau tu, indu nya bisi dipeda ba tamu (Medan Selera) bukai tang tu keterubah iya aku meda iya datai ditu," tandu iya.
Picha indu nya dilalaika ka kami tauka enda dipintaika ba artikel laban picha nya enda tau dipeda orang kelebih agi bala anak mit.
Kelimpah ari nya, enti nyema kami mansut picha nya kami udah ngelaban Atur Policy raban kami.
Kelimpah ari nya, enti nyema kami mansut picha nya kami udah ngelaban Atur Policy raban kami.