 |
| RIP Mit Anak Uju tauka Ini Ugus 😢 |
Selamat pagi pemacha Berita Iban Online semua, kesekali tu kami bisi nerima "Pesan Berat tauka Pesan Pemati" ke diterima kami ari Beringan Anak Intong (Apai Ugus), penatai ari Pakan.
Pesan pemati tu madahka Mit Anak Uju tauka Ini Ugus, udah nadai urung jam 1.30 tumu pagi tadi, Hari Satu, 03 haribulan 9, 2018.
Pesan tu dituju ke ngagai kaban belayan di:
1) Di Oya
2) Di Tebalong
3) Di Sekuau
4) Di Pasai Siong
5) Di Nanga Tamin
6) Di Nanga Alat
Enggau semua ke enda ulih dirintaika ditu, baik ke ari ulu, ari ili, jauh tauka semak, kita dipinta datai laban niang (Mit Anak Uju tauka Ini Ugus) deka diintu bebala mayuh kena malam Hari Tiga ianya 05 Haribulan 9, 2018 ba rumah panjai: Tr. Hillary Singka Stang Entegelam Pakan.
Lalu niang (Mit Anak Uju tauka Ini Ugus) deka dikuburka kena pagi Hari Empat, 06 Haribulan 9, 2018.
"Arap semengat orang ke udah nadai dalam ibun tuhan, bai iya diau enggau tuhan, dalam serega selalu". Amen. 🙏🙏🙏
Kami ari Raban Berita Iban Online tauka BeritaIban.com, meri penyinu ati ngagai semua sida sepintu bilik ke ditinggalka niang (Mit Anak Uju tauka Ini Ugus).
Berebak enggau nya, kami ngarapka semua bala ke sepintu bilik enggau niang ulih ngeringka ati napi penguji tu. 😢
Taja niang udah niki ke langit, penyiru, penyinu sereta pementas enggau pemanah basa niang maya idup enda mudah lela ari pengingat kitai semua belama. RIP.. 😇
Petara sigi ngibun sereta ngintu iya ba pengidup ti baru din. Besampi ngagai Allah Taala ti pemadu bekuasa awakka semengat niang begulai manah enggau iya di Serega.. 🙏
JAKU TANGKAN: Tau dikunsi (share) ba Facebook, Whatsapp tauka media rama kebukai, ngambika semua kaban belayan ke dipesanka ulih datai enggau nemu pasal "Pesan Berat tauka Pesan Pemati" tu.
Terima kasih bala pemacha semua laban udah nulung sereta besaup betesauka pesan tu. Tuhan merekat semua kitai..