KUCHING: Raban polis enggau sedadu ba Sarawak, lebih agi raban nyaga pengelikun ke suba ti ngelaban kominis, berasai ringat sereta enda lantang ati enggau penerang Sapit Presiden PAS Mohamad Sabu apin lama tu, ku Sapit Speaker Dewan Rakyat Datuk Wan Junaidi Tuanku Jaafar.
Nyadi seiku ari raban polis ke suba, Wan Junaidi madahka iya ke kala gawa ba dalam kampung ngelaban kominis ba taun 1969 nyentukka 1973 sereta mantu numbuhka Indu Opis RASCOM ba Sibu.
Nya alai, ku iya, jaku politik Mat Sabu (Mohamad) chukup enda patut laban nya semina dikena iya nguntungka diri empu aja…kena ngulihka undi ba pengawa bepilih ila.
Junaidi madahka penerang Sapit Presiden PAS nya ti ngumbai kominis menang ba negapka kemerdekaan menua chukup ngenakutka ati lalu enda patut disebut ngagai mensia mayuh. — Bernama