 |
| TENAKO-NAKO: Sekeda ari orang ke enda mending jaku lara tauka enda nitihka Atur Mindah Besekat (PKP). |
BINTULU: Masuk hari ke-19 PDRM Bintulu bejalaika OP COVID-19 enggau Atur Mindah Besekat (PKP) ngambika ulih nyaga tauka nyeliahka penyakit COVID-19 ari majak ngerekai ba menua kitai.
Lebuh raban polis bejalaika operasyen, sida iya mujur ngetan sekeda ari orang mending jaku lara tauka enda nitihka Atur Mindah Besekat (PKP).
Asil pansik tumu raban beritaiban.com, sekeda ari sida ke mujur ditan raban polis ketegal ngirup bebala mayuh ba luar enggau dalam rumah.
Kelimpah ari nya, picha sida ke ngirup bebala mayuh nya mega bisi dipantaika PDRM Bintulu ba media sosial nyau nyadi tebilang (viral).
 |
| Benung ngirup beraban ba luar rumah. |
 |
| Benung ngirup beraban ba dalam rumah. |
 |
| Benung ngirup beraban ba dalam rumah. |
 |
| TENAKO-NAKO: Ukai semina ngirup aja, tang nyau ngasuh sida belagu (karaoke) |
 |
| Dua lelaki benung dirandau raban polis lebuh bejalaika operasyen. |
Naka kediatu, picha sida ke mujur ditan ngirup nya udah lebih ari dua ribu iku orang besadung (share) enggau meri komen.
 |
| Sekeda ari komen bala pemacha |
 |
| Sekeda ari komen bala pemacha |
Majority orang ke meri komen ba picha nya meri jaku ajar enggau bisi mega bala kedua meri jaku renjan ketegal orang ke ngirup nya semina berundingka diri empu aja.
Sida nya nadai berundingka orang bukai ti benung tasah tauka tusah ati laban enda ulih nurun kereja lalu ngejungka sida iya kurang penatai pemisi.
Bisi mega madahka diri enda lantang ati sereta enda entu meruan tinduk ngenang bala anak, bini enggau apai indai ke diau di rumah panjai laban enda ulih enda pulai ke menua ketegal Atur Mindah Besekat.
Taja pia, barang sapa ke enda nitihka Atur Mindah Besekat (PKP) ulih kena ukum mata duit enda lebih ari RM1,000 tauka dijil pengelama Atur Mindah Besekat tauka kededua nya sekali.
Kati ku runding kita bekaul enggau pekara tu? Baka ni jalai ngambika orang bala kitai enda nunda ulah ke sebaka. Aram kitai sama besaup nulung raban Pengeluan (Frontliners) ti udah bendar gawa ke kitai baka jam ke diatu.
Tau sadung ngagai bala pangan nuan enggau beri komen nuan ba baruh artikel tu.