 |
| RIP Beluka Anak Aji 🙏 |
Tabi basa ngagai semua pemacha Berita Iban Online, lemai tu tadi raban kami bisi nerima Jaku Pesan Pemati ari Ina Anak Aji.
Jaku pesan tu dituju aku ngagai Patricia Lagok di Ketibas enggau semua bala kaban belayan ti ngelala menyadi tuai kami, Beluka Anak Aji.
Nyadi pesan tu madahka Beluka Anak Aji (Uka) udah nadai urung jam 4 pagi tadi, Hari Lima (24 April 2020) di rumah TR Mebak Anak Aji tauka rumah niang Aji Anak Bungkung.
Semua kaban belayan ke Beluka Anak Aji (Uka) dipinta datai enggau ngintu niang ba rumah iya empu di TR Mebak Anak Aji, Sungai Selezu Assau, Jalai Pasar Sebauh. Bintulu.
Niang Beluka Anak Aji (Uka) deka dikuburka kena pagi Hari Minggu (26 April 2020) ba tanah pendam TR Mebak Anak Aji.
Berebak enggau tu, kami ari raban Berita Iban Online (BIO) ngenataika penyinu ati ngagai semua bala ti sebilik enggau niang Beluka Anak Aji (Uka).
Ngarapka sida iya sebilik ulih besabar napi penguji tu. 😢
Taja niang udah nadai ba dunya injau tu, pemanah budi enggau basa maya iya agi idup seruran dikenang kitai belama..
Aram kitai sama besampi awakka semengat niang begulai manah enggau orang kudus di Serega. Amen 🙏
JAKU TANGKAN: Minta semua bala kaban belayan ke deka datai ngesah enggau nyengaie tauka ngintu niang Beluka Anak Aji (Uka), kita dipinta nitihka "Atur Mindah Besekat" (PKP).