 |
| NEMU NUAN: Tu meh ke disebut orang gari utai tauka kain lap. |
SEBANA ATI AKU: Enti nyema mulut orang indu nyau majak kekutap, enda ngira biak tauka tuai endang sigi bisi penyalah digaga nuan tauka dipeda sida iya laban orang indu tu sigi enda mudah kekutap ngapa..
Minggu nyin kemari, admin bisi tebachaka sebana ati siku lelaki (laki orang) madahka diri sebening pala pengudah bini iya kekutap ketegal iya salah ngambi gari utai tauka kain lap.
Artikel ke dipansutka lelaki nya udah viral media sosial minggu nyin, lebih lima ribu iku orang besadung enggau komen ba artikel lelaki nya.
Sebana lelaki nya munyi tu:
Aku diatu benung sebening pala ukai ketegal mabuk tang aku berasai nyelaie meda ulah orang indu tu, kelebih agi bini aku empu.
Bini aku kekadang kelalu mayuh kelikuh tauka mayuh utai ke dipinta. Semua utai mesetika chukup tauka genap magang..
Ambika chunto baka baju bala anak tua iya, bisi baju ke bejalai ke pasar, baju tinduk, baju mandi, baju kena siang, baju kena malam enggau semua suku juru baju mesetika bisi enggau genap magang.
Pasal baju nya aku agi ulih nerima laban kena ngintu imej kami sebilik ngambika dipeda orang gap belama..
Tang utai ke enda entu ulih terima aku iya nya:
Gari utai tauka kain lap!
Nya pan tau ngasuh iya kekutap.
Bisi sekali bini aku ngasuh aku ngambi kain lap laban ka kena iya ngendas kipas.
Enda lama pengudah nya, alu angkat aku ngambi kain lap ba singki..
Enda memukai bini aku nanya aku, "nama kebuah kain lap tu kamah amat deh?".
Nama aku bisi salah dinga tadi?. Ku aku bejaku enggau diri empu dalam ati.
"Kain lap meh nya," ku aku enggai alah.
Tang bini aku enggai nerima kain lap ke disuakka ngagai iya nya.
Iya ngasuh aku ngambi gari utai ke baru.
Aku pedis pala min..
Iya ke nguna kain lap ke ka nguna kain baru?
Bisi maya aku nadai pengawa tauka benung bagas, aku berapi ke kami sebilik..
Udah aku tembu berapi..
Bini aku nyau majak kekutap enda bebadu ketegal kain lap.
Sehari manah iya munchung mulut.
Pengudah nya, basu iya kain lap ke baru dua tauka rambal ngena mesin basu ketegal ngena peneka ati.
Baru diatu aku nemu min..
Kain lap bisi batang pengawa kediri empu.. Bisi kain lap singki, kain lap dapur, kain lap pinggai, kan lap ai siuh enggau mayuh macham agi ke enda alah dirintaika aku ditu.
Enggau tu aku deka bepesan ngagai semua bala apai orang, anang ngena kain lap peneka ati.. Tanya dulu nama batang pengawa kain lap nya..
Ba sentang artikel ke sama, admin mega bisi ngambi screenshots komen ari bala ke macha artikel nya:
 |
| "Sigi amat, setiap kain bisi tang pengawa kediri empu," Ayu Hanna. |
 |
| "Sebaka enggau aku mega," Ja Hamzah. |
 |
| "Aku pan sama baka nuan, tang aku bisi chara kena mutarka pekara nya," ku Rizal Rodzuan. |
Asil pansik silik raban kami, sigi mayuh orang indu ngaga pekara ke sama, kelebih agi bini orang tauka 'tokey musai' besar ba dalam rumah kitai.
Enda ibuh sebut sapa meh.. Enggaika iya majak kekutap enggau reredu mua bakih admin maya pulai ke rumah legi, tusah ka ngaum bakih admin nya. Tenako-nako! 😅 #AnangInggar
 |
| ANANG INGGAR: Admin agi ka ngendas mija makai tu. Kada cino enda medo. 😜 |
Kati ku buah runding kita ba sentang pekara tu?
Anang tuchum lelegup kediri kita wai.. Tau sadung, 'tag' bakih ke serumah enggau kita nya enggau meri komen ba baruh artikel tu.