Siku nembiak sekula ke lenyau lapan hari ditemu ba pasar Sibu

Bacha Mega

KES LENYAU: Gambar mansa ke lenyau

SIBU: Siku nembiak lelaki pom dua ti ngelelangka diri ari buding sebuah sekula ditu kenyau 10 Jan tu tadi udah temu ba pasar besai ditu lemai ensanus.

Ketuai Polis Pelilih Sibu, ACP Stanley Jonathan Ringgit maya dirandau ngenuku nembiak ke beumur 14 taun nya udah temu lalu dibai ngagai Balai Polis Sentral ngambika diputar.

Nitihku penerang ari piak polis, piak sekula nya udah madah ngagai aki nembiak nya kena 12 Jan tu tadi pengudah nemu nembiak nya nadai datai ke sekula kenyau ari 10 Januari.

Nitihka padah piak polis, orang ke ngaga ripot (gambar ripot) mega madahka uchu iya mega nadai pulai ke rumah kenyau seminggu sebedau nya.

Orang ti ngaga ripot nya madah iya nadai kala nganu uchu iya nya lalu nadai kelai kebuah iya deka ngelarika diri.

Nitihku orang ti ngaga ripot iya udah betemu enggau piak sekula madahka uchu iya nya ditangkap laban nginsap ba sekula lalu deka diukum.

Kenyau ari nya, nembiak nya nadai nurun ke sekula nyentuk iya ditemu ba sitak pasar lemai enanus.

Stanley madah pendiau nembiak nya diripotka gerai sereta regas maya iya ditemu. #UtusanBorneo